Seshachalam | శేషాచలంలో అరుదైన జీవి! ‘డెక్కన్‌ గ్రాసైల్ స్కింక్’ కనుగొన్న శాస్త్రవేత్తలు
Seshachalam | ఆంధ్ర‌ప్ర‌దేశ్ లోని తూర్పు కనుమల కొండ ప్రాంతాల్లో అత్యంత అరుదైన కొత్త జాతి స్కింక్ ను క‌నుగొన్న‌ట్లు జూలాజికల్ సర్వే ఆఫ్ ఇండియా (జడ్‌ఎస్‌ఐ) డైరెక్టర్‌ డాక్టర్‌ ధ్రితి బెనర్జీ శుక్రవారం ఓ ప్రకటనలో తెలిపారు. ఈ జీవికి 'డెక్కన్‌ గ్రాసైల్ స్కింక్ (Deccan Grassile Skink) ఆనే పేరు పెట్టారు.లండన్‌లోని నేచురల్ హిస్టరీ మ్యూజియం శాస్త్రవేత్తలతో కలిసి జూలాజికల్ సర్వే ఆఫ్ ఇండియా పరిశోధకులు ఈ జాతిని రియోపా డెక్కనెన్సిస్ లేదా దక్కన్ గ్రాసైల్ స్కింక్‌గా అభివర్ణించారు. ఈ అన్వేషణను పీర్-రివ్యూడ్ జర్నల్ జూటాక్సాలో ప్రచురించారు. ఎనిమిది దశాబ్దాలకు పైగా రియోపా జాతిలో వివరించి ఉన్న మొదటి కొత్త భారతీయ జాతి ఇది.
ఈ జాతిని ఆంధ్రప్రదేశ్‌లోని శేషాచలం (Seshachalam) బయోస్పియర్ రిజర్వ్ తోపాటు తెలంగాణలోని అమ్రాబాద్ టైగర్ రిజర్వ్ నుంచి గుర్తించారు. ఇది సన్నని శరీరం, సెమీ-పారదర్శకమైన దిగువ కనురెప్పలు,...