భారతదేశంలో అతిపెద్ద ద్విచక్ర వాహనాల తయారీదారు హీరో మోటోకార్ప్ (Hero MotoCorp), మ‌రికొద్దిరోజుల్లో రెండు కొత్త ఎలక్ట్రిక్ మోడళ్ల (Electric Vehicles)ను ప్ర‌వేశ‌పెట్టి త‌మ వాహ‌నా శ్రేణిని విస్తరించాలని యోచిస్తోంది. దీనిపై అధికారిక ప్ర‌క‌ట‌న‌ల‌ను సంస్థ ఇంకా విడుదల చేయలేదు. అయితే, విడా బ్రాండ్ కింద రాబోయే బ్యాటరీతో నడిచే వాహ‌నాల‌ను సూచించే మీడియా ఆహ్వానాన్ని పంపింది.
నివేదికల ప్రకారం, హీరోమోటో కార్ప్ నుంచి వ‌స్తున్న తదుపరి మోడల్‌లు ACPD అని పిలువబడే సరసమైన EV ప్లాట్‌ఫారమ్‌ను ఉపయోగించవచ్చు. ఇవి ఎంట్రీ-లెవల్ మార్కెట్ ను ల‌క్ష్యంగా చేసుకుంటాయ‌ని అంచనా వేస్తున్నారు. ఇవి ఎక్కువ మంది మ‌ధ్య‌త‌ర‌గ‌తి EV-వినియోగదారులను ఆకర్షించేలా తక్కువ ధరలో అందుబాటులోకి రానున్నాయ‌ని తెలుస్తోంది.
ఈ వాహనం గురించి కంపెనీ పెద్దగా వివరాలను అందించలేదు. అయితే, ప్రస్తుత V2 సిరీస్, ఇటీవల ప్రకటించిన Z సిరీస్ కంటే ఇది చాలా భిన్నంగా ఉంటుందని కొన్ని వర్గాలు పేర్కొన్నాయి. కస్టమర్లు మెరుగైన రైడింగ్ నాణ్యత, ఎక్కువ రేంజ్‌, మెరుగైన లక్షణాలతో అత్యాధునిక సాంకేతికతను ఆశిస్తున్నారు.
ప్రస్తుతం, హీరోమోటోకార్ప్‌ సంస్థ దేశంలో కేవలం మూడు వెర్షన్లను మాత్రమే విక్రయిస్తుంది. అవి రూ. 74,000 నుండి ప్రారంభమవుతాయి, ప్రీమియం వెర్షన్ల ధర రూ. 1.15 లక్షల (ఎక్స్-షోరూమ్) వరకు ఉంటుంది
- విడా V2 లైట్
- విడా V2 ప్లస్
- విడా V2 ప్రో
రెండు కొత్త మోడళ్లను వాటి క్రింద స్లాట్ చేయాలని భావిస్తోంది .బ్రాండ్‌ను ఎక్కువ మంది కొనుగోలుదారులకు మరింత అందుబాటులోకి తెస్తుంది. ప్రస్తుతం ఉన్న విడా శ్రేణి ధర రూ. 74,000 నుండి రూ. 1.15 లక్షల వరకు ఉంది. మూడు బ్యాటరీ ఎంపికలతో లభిస్తుంది – 2.2 kWh, 3.4 kWh మరియు 3.9 kWh. హీరో మోటోకార్ప్ స్పెసిఫికేషన్లను ఇంకా వెల్లడించలేదు. కానీ కొత్త EV ఆర్కిటెక్చర్‌ను ACPD అని పిలుస్తారని నివేదికలు సూచిస్తున్నాయి. కొత్త ఇ-స్కూటర్ల డిజైన్ V2 మరియు Z శ్రేణికి భిన్నంగా ఉంటుందని భావిస్తున్నారు.
కొత్త వినియోగదారులను ఆకర్షించే ప్రయత్నంలో, హీరోమోటో కార్ప్ పెద్ద సంఖ్యలో ప్రేక్షకులను చేరుకోవడానికి ప్రయత్నిస్తోంది. దేశవ్యాప్తంగా దాని డీలర్‌షిప్ మూలాలను విస్తరించే ప్రణాళికలో భాగంగా, 115 కి పైగా ప్రదేశాలలో 180 డీలర్‌షిప్‌లతో సహా 200 టచ్‌పాయింట్‌లను చేరుకోవాలనే ల‌క్ష్యంతో ముందుకు సాగుతోంది.
ఇక అమ్మకాల విషయానికొస్తే, విడా క్లయింట్ల నుంచి అద్భుతమైన స్పందనను పొందుతోంది. FY2025 లో హీరో EV విభాగంలో గణనీయమైన మెరుగుదలను నమోదు చేసినట్లు తెలుస్తోంది. FY25 లో దాని రిటైల్ అమ్మకాలు 48,673 యూనిట్లు, ఇది 175% కంటే ఎక్కువ పెరుగుదలను సూచిస్తుంది. FY24 తో పోలిస్తే, ఈ సంఖ్య గణనీయంగా పెరిగింది.
హరితమిత్ర వెబ్ సైట్ పర్యావరణం, సేంద్రియ వ్యవసాయం, గ్రీన్ మొబిలిటీ, సోలార్ ఎనర్జీ (Solar Energy) కి సంబంధించిన తాజా వార్తలను అందిస్తుంది. సరికొత్త వార్తలను కోసం మా గూగుల్ న్యూస్ (Google News), తోపాటు ట్విట్టర్(X) , వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..