Clean Air Zones in Vijayawada, Vizag : విజయవాడ, విశాఖపట్నంలోని ఎంపిక చేసిన శివారు ప్రాంతాలు క్లీన్ ఎయిర్ జోన్స్ (CAZ) ప్రాజెక్ట్ ను జూలై నెలలో మొదలు పెట్టనున్నారు. నగరాల్లో వాయు నాణ్యతను మెరుగుపరిచే దిశగా ఇది ఒక కీలక ప‌రిణామంగా చెప్ప‌వ‌చ్చు. ఆంధ్రప్రదేశ్ కాలుష్య నియంత్రణ మండలి (APPCB) బుధ‌వారం CAZ (Clean Air Zones) ల దశలవారీ అమలును ప్రారంభించడానికి మ‌ల్టీ -ఏజెన్సీ వర్క్‌షాప్‌ను నిర్వహించింది. ఇది వేగంగా అభివృద్ధి చెందుతున్న రెండు నగరాల మునిసిపల్ కార్పొరేషన్లు, పోలీస్, రవాణా విభాగాల నుండి కీలక అధికారులు స‌మావేశ‌మ‌య్యారు.
క్లియ‌ర్ ఎయిర్ జోన్స్ (Clean Air Zones ) ఎక్క‌డ?
మొదటి దశలో విజయవాడలోని రమేష్ హాస్పిటల్ జంక్షన్, సిద్ధార్థ కాలేజ్ జంక్షన్, అలాగే విశాఖపట్నంలోని కింగ్ జార్జ్ హాస్పిటల్ పరిసర ప్రాంతాల్లో CAZ ను అమలు చేయ‌నున్నారు. “దశలవారీ విధానం వల్ల అధికారులు ఈ పరిసరాలకు పరిష్కారాలను రూపొందించడానికి వీలు కలుగుతుంది, తద్వారా నగరవ్యాప్త ప్రయత్నాలను విస్త‌రించ‌వ‌చ్చు. అదే సమయంలో ఆంధ్రప్రదేశ్ అంతటా విస్తృత, దీర్ఘకాలిక స్వచ్ఛమైన గాలి నాణ్యతను పెంచే వ్యూహాలకు పునాది వేస్తుంది” అని APPCB చైర్మన్ పి. కృష్ణయ్య అన్నారు.
ముఖ్యమంత్రి నారా చంద్రబాబు నాయుడు ఆదేశాల‌మేర‌కు ప్రభావవంతమైన పట్టణీకరణ, డిజిటలైజేషన్ అమలు ప్రయత్నాల కోసం ప్రభుత్వాలకు మద్దతు ఇచ్చే ముంబైకి చెందిన ఆర్తా ఇండియా సంస్థ, ఈ ప్రాజెక్టు అమలు ముందుకు వచ్చింది. ఈ ప్రాజెక్టుకు సాంకేతిక నైపుణ్యం వరుసగా లండన్, ఢిల్లీకి చెందిన భాగస్వాములు, TfL మరియు TERI అందిస్తున్నాయి.
“క్లీన్ ఎయిర్ జోన్ల లో స్థానిక హాట్‌స్పాట్‌లలో గాలి నాణ్యత, కణ పదార్థాల సాంద్రతను మెరుగుపరుస్తుంది. గత రెండు సంవత్సరాలుగా, రద్దీ నిర్వహణ, ప్రజా రవాణాను క్రమబద్ధీకరించడం, చివరి మైలు కనెక్టివిటీ, ఇతర పర్యావరణ అనుకూల కార్యక్రమాలతో కూడిన సైట్-నిర్దిష్ట ఉద్గార-తగ్గింపు చర్యలను చేప‌డ‌తారు. ఇందుకోసం మేము సాంకేతిక ఇన్‌పుట్‌లను సేకరిస్తున్నామని, వాటాదారులను మ్యాపింగ్ చేస్తున్నాము” అని అర్థ ఇండియా CEO ప్రీతికా హింగోరానీ చెప్పారు.
రాబోయే CAZ అమలు దశలో పార్కింగ్ ఏర్పాట్లను ఆప్టిమైజ్ చేయడం, కాలిబాటలు, జంక్షన్ల వద్ద మియావాకి అడవులు ఏర్పాటు చేయ‌నున్నారు. “తక్కువ ఖర్చుతో కూడిన నిరంతర వాయు పర్యవేక్షణతో సహా వచ్చే నెల నుండి కాలుష్య నియంత్రణ చర్యలను అమలు చేయడంలో అన్ని వాటాదారుల భాగస్వామ్యం మరియు ప్రయత్నాలు CAZ లను విజయవంతం చేస్తాయని మేము విశ్వసిస్తున్నాము. ఆకుపచ్చ మరియు పరిశుభ్రమైన విజయవాడను నిర్మించడంలో వ్యాపారాలను భాగస్వాములుగా చేర్చుకోవడం ద్వారా దీర్ఘకాలంలో ఈ చొరవను స్థిరంగా మరియు తక్కువ ఖర్చుతో ఎలా చేయాలో కూడా మేము అన్వేషిస్తున్నాము, ”అని గ్రేటర్ విశాఖపట్నం మున్సిపల్ కార్పొరేషన్ సస్టైనబిలిటీ & రెసిలెన్స్ యూనిట్ ప్రాజెక్ట్ మేనేజర్ డాక్టర్ స్వప్న కోట అన్నారు.
హరితమిత్ర వెబ్ సైట్ పర్యావరణం, సేంద్రియ వ్యవసాయం, గ్రీన్ మొబిలిటీ, సోలార్ ఎనర్జీ (Solar Energy) కి సంబంధించిన తాజా వార్తలను అందిస్తుంది. సరికొత్త వార్తలను కోసం మా గూగుల్ న్యూస్ (Google News), తోపాటు ట్విట్టర్(X) , వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..