ThunderPlus Charging Points | భారతదేశ వ్యాప్తంగా EV ఛార్జింగ్ మౌలిక సదుపాయాలను విస్తరించడానికి Ather Energy కీలక నిర్ణయం తీసుకుంది. తాజాగా ThunderPlus తో ఏథర్ ఎనర్జీ భాగస్వామ్యం కుదుర్చుకుంది. ఈ సహకారం అన్ని 140 ThunderPlus ఛార్జింగ్ హబ్‌లను Ather కస్టమర్లకు అందుబాటులో ఉంచుతుంది. 15 రాష్ట్రాల్లో 40 నగరాల్లో ఎలక్ట్రిక్ ద్విచక్ర వాహనాలకు కొత్తగా చార్జింగ్ స్టేషన్లను వినియోగించుకోవచ్చు. దీంతో ఈవీ వినియోగదారుల్లో తమ వాహనాల్లో చార్జింగ్ కు సంబంధించిన ఆందోళన ఇక ఉండబోదు.. భారతదేశ EV పర్యావరణ వ్యవస్థ వృద్ధికి ఏథర్ ఎనర్జి తాజా నిర్ణయం దోహద పడనుంది.
ThunderPlus : దేశవ్యాప్తంగా 140కి పైగా చార్జింగ్ స్టేషన్లు
తాజా ఒప్పందంలో భాగంగా, ఏథర్ ఎనర్జీ వినియోగదారుల ఇప్పుడు థండర్‌ప్లస్ యొక్క ఫాస్ట్-ఛార్జింగ్ నెట్‌వర్క్‌ను ఉపయోగించుకోవచ్చు. ఈ సందర్భంగా థండర్ ప్లస్ సీఈవో రాజీవ్ వైఎస్ఆర్ మాట్లాడుతూ.. “EV విప్లవం పోటీ ద్వారా కాదు, సహకారం ద్వారా గెలుస్తుంది. అథర్ ఎనర్జీతో మా భాగస్వామ్యం వారి రైడర్లకు రాత్రిపూట 140+ ThunderPlus ఛార్జింగ్ హబ్‌లను అందుబాటులోకి తెచ్చింది. ఛార్జింగ్ ఆందోళనను తగ్గిస్తుంది. వినియోగదారుల విశ్వాసాన్ని పెంచుతుంది” అని అన్నారు. “EV వినియోగదారులు ఎక్కడికి వెళ్లినా, థండర్ ప్లస్ ఛార్జర్ ఎప్పటికీ దూరంగా ఉండదని, ఇతర OEMలతో భాగస్వామ్యం చేసుకోవడానికి కూడా సిద్ధంగా ఉన్నాము.” అని ఆయన పేర్కొన్నారు.
కాగా థండర్‌ప్లస్ దేశవ్యాప్తంగా 140 హబ్‌లలో 2,000 కి పైగా ఛార్జ్ పాయింట్లను నిర్వహిస్తోంది, 30 kW నుండి 240 kW వరకు హై-స్పీడ్ ఛార్జర్‌లను అందిస్తోంది. స్థిరమైన రవాణా పరిష్కారాలను అభివృద్ధి చేయడానికి కంపెనీ FlixBus, Turno, Ohm మరియు ETO వంటి మొబిలిటీ ప్రొవైడర్లతో భాగస్వామ్యం కలిగి ఉంది.
హరితమిత్ర వెబ్ సైట్ పర్యావరణం, సేంద్రియ వ్యవసాయం, గ్రీన్ మొబిలిటీ, సోలార్ ఎనర్జీ (Solar Energy) కి సంబంధించిన తాజా వార్తలను అందిస్తుంది. సరికొత్త వార్తలను కోసం మా గూగుల్ న్యూస్ (Google News), తోపాటు ట్విట్టర్(X) , వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..